Bu gün keçiriləcək iclas zamanı “OPEC+” (OPEC və təşkilata daxil olmayan ölkələri əhatə edən neft istehsalının azaltması üzrə təşəbbüs - red.) ölkələrinin nazirləri digər variantlarla yanaşı, gündəlik neft hasilatının 100 min barel azaldılması imkanlarını müzakirə edəcəklər.
“APA-Economics”in verdiyi xəbərə görə, bu barədə “Reuters” öz mənbəsinə istinadən məlumat yayıb.
Qeyd edək ki, “OPEC+” üzvləri avqustun 3-də keçirilən iclasda sentyabrda gündəlik neft hasilatının 100 min barel artırılmasını təsdiqləyiblər. Yekun kommunikedə həmçinin vurğulanıb ki, dünyada sərbəst neft hasilatı imkanları ciddi şəkildə məhduddur və onlar ehtiyatla istifadə edilməlidir.
“OPEC+” çərçivəsində tədbirlər alyans ölkələrinin monitorinq komitəsinin Bakı vaxtı ilə saat 15:00-a planlaşdırılan iclası ilə başlayacaq. “OPEC+”ın gələcək fəaliyyətinə dair qərarın verilə biləcəyi nazirlərin görüşü saat 15:30-a təyin edilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
