“OPEC+”ın növbəti görüşü Vyanada keçiriləcək

“OPEC+”ın növbəti görüşü Vyanada keçiriləcək
# 01 oktyabr 2022 13:51 (UTC +04:00)

“OPEC+” (OPEC və təşkilata daxil olmayan ölkələri əhatə edən neft istehsalının azaltması üzrə təşəbbüs - red.) Nazirlərin Monitorinq Komitəsinin və bütün alyansın nazirlərinin oktyabrın 5-də Vyanada oflayn iclasının keçirilməsi barədə qərar qəbul edib.

Bu barədə “APA-Economics” Neft İxrac Edən Ölkələr Təşkilatının (OPEC) rəsmi elanına istinadən xəbər verir.

“Birgə Nazirlərin Monitorinq Komitəsinin (JMMC) 45-ci iclası və OPEC və qeyri-OPEC nazirlərinin 33-cü toplantısı 5 oktyabr 2022-ci il çərşənbə günü Avstriyanın paytaxtı Vyanada OPEC Katibliyində şəxsən (oflayn - red) keçiriləcək”, - təşkilatın mesajında ​​deyilir”, - elanda qeyd olunur.

Bu görüşlər qlobal COVID-19 pandemiyası ilə əlaqədar nazirlərin videokonfrans vasitəsilə görüşməyə başladığı 2020-ci ilin martından bəri ilk dəfə oflayn rejimdə keçiriləcək.

Qeyd edək ki, Azərbaycan da “OPEC+” razılaşmasının iştirakçısıdır.

#
#

ƏMƏLİYYAT İCRA OLUNUR