"Qərbi Çıraq" platformasının fəaliyyəti bərpa edilib

"Qərbi Çıraq" platformasının fəaliyyəti bərpa edilib
  • Clock-gray 11:59
  • calendar-gray 30 Oktyabr 2019

Xəzərin Azərbaycan sektorunda yerləşən “Azəri-Çıraq-Günəşli” (AÇG) neft-qaz yataqlar blokunda istismar olunan “Qərbi Çıraq” platforması planlaşdırılmış profilaktik işlərdən sonra fəaliyyətini bərpa edib.

BP şirkətindən (AÇG-nin operatoru) “APA-Economics”ə verilən məlumata görə, “Qərbi Çıraq” platformasının işi oktyabrın 29-dan etibarən bərpa edilib.

“Profilaktik işlər proqramında nəzərdə tutulmuş bütün işlər uğurla tamamlandıqdan sonra  dünən (29 oktyabr – red.) axşam saatlarından başlayaraq platforma işə salınıb və hazırda platformada hasilat tədricən əvvəlki səviyyəyə qaldırılır”, - məlumatda qeyd olunur.

“Qərbi Çıraq” platformasında profilaktik işlər proqramı 15 günlük planlaşdırılmışdı. Proqrama əsasən məşəl və idarəetmə sistemlərinin yeniləşdirilməsi kimi müxtəlif layihə işləri daxil idi.

Belə proqramlar normal əməliyyatların bir hissəsidir və onlar planlaşdırılmış şəkildə müntəzəm həyata keçirilir. Proqramlar müntəzəm inspeksiya, profilaktik işlər və layihənin yerinə yetirilməsi fəaliyyətləri üçündür. Onlar obyektlərin uzunmüddətli təhlükəsiz, etibarlı, bütöv şəkildə, ətraf mühitə ziyan vurmadan istismarının bir hissədir və əsasən elə profilaktik təmir və modifikasiya   işlərindən ibarət olur ki, həmin işləri yalnız obyektin fəaliyyətini müvəqqəti dayandıraraq həyata keçirmək mümkündür.

Əlavə edək ki, bu ilin aprelin 15-də AÇG-də yerləşən "Mərkəzi Azəri" platforması da planlaşdırılmış profilaktik işlərin aparılması üçün iki həftəlik dayandırılmışdı.

Emil İsmayılov

Digər xəbərlər

Arxiv

date