Cari ilin I rübündə “SOCAR Karbamid” zavodu tərəfindən daxili bazarda 53,4 min ton karbamid satılıb, bu da illik müqayisədə 224% çoxdur.
"APA-Economics" xəbər verir ki, bunu Azərbaycan Dövlət Neft Şirkətinin (SOCAR) birinci vitse-prezidenti, şirkətin prezidenti vəzifəsinin müvəqqəti icraçısı Rövşən Nəcəf Facebook səhifəsində yazıb.
Məlumata görə, hesabat dövründə zavod xarici bazarlara karbamid ixracını 8 dəfə artırıb (dəyəri 33 dəfə artıb). Belə ki, bu, Azərbaycanın xarici ticarət saldosuna 93 mln. dollar həcmində müsbət təsir göstərib.
Xatırladaq ki, Sumqayıtda inşa edilən karbamid zavodu 16 yanvar 2019-cu ildə istifadəyə verilib. Zavod ildə 650-660 min ton karbamid istehsal etmək qabiliyyətindədir. İstehsal həcminin təqribən 70%-i ixrac üçün nəzərdə tutulub ki, bu da ölkəyə illik 160 mln. dollara qədər həcmdə əlavə gəlirin daxil olmasına imkan verəcək. Karbamid zavodunun ümumi dəyəri təqribən 800 mln. avro təşkil edir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
