Rusiya, Azərbaycan və İran üç ölkənin enerji sistemlərini birləşdirəcək layihə üçün texniki-iqtisadi əsaslandırmanın birgə işlənməsi barədə saziş imzalayıblar.
“APA-Economics” Rusiyanın “Vahid enerji sisteminin sistem operatoru” Səhmdar Cəmiyyətinin yaydığı məlumata istinadən xəbər verir ki, avqustun 12-də əldə olunan razılığa əsasən tərəflər ölkələrin enerji sistemləri arasında "Şimal-Cənub" enerji dəhlizinin yaradılması layihəsi üçün texniki-iqtisadi əsaslandırmanı birgə işləyəcəklər.
Rusiya tərəfindən sazişin iştirakçıları qismində “Vahid enerji sisteminin sistem operatoru” və “Rosseti”, Azərbaycandan “Azərenerji”, İrandan isə “Tavanir” şirkətləri çıxış edəcəklər.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
