"SOCAR Georgia Gas" Gürcüstanda dövlətə məxsus 94 qaz xəttini satın alıb

"SOCAR Georgia Gas" Gürcüstanda dövlətə məxsus 94 qaz xəttini satın alıb
# 25 iyul 2019 11:51 (UTC +04:00)

"SOCAR Georgia Gas" şirkəti Gürcüstanda dövlətə məxsus 94 qaz xəttini 24 177 326 lari (təxminən 8,4 mln. ABŞ dolları) müqabilində satın alıb.

APA-nın yeli bürosunun Gürcüstan mətbuatına istinadən verdiyi məlumata görə, dövlətə məxsus 94 qaz xəttinin satın alınması ilə bağlı hökumət tərəfdən fərmanı Baş Nazir Mamuka Baxtadze imzalayıb.

Fərmana əsasən, Gürcüstanın Dövlət Əmlakı Qanununun 18-ci maddəsinin 3-cü bəndinə uyğun olaraq, 24 177 326 lari məbləğində qaz xətlərinin “SOCAR Georgia Gas Ltd”yə birbaşa satışı həyata keçirilib. Gürcüstanın İqtisadiyyat və Davamlı İnkişaf Nazirliyinə tabe olan Milli Əmlak Agentliyi qərarı yerinə yetirmək üçün qanunvericilikdə nəzərdə tutulmuş tədbirlərin həyata keçirilməsini təmin edəcək.

Gürcüstan dövlət büdcəsinə ödənişi həyata keçirmək üçün şirkətə 18 il vaxt verildiyi bildirilib.

Dövlətə məxsus qaz xətləri əsasən Zestafoni, Kaspi ve Lançxuti rayonlarında yerləşir.

#
#

ƏMƏLİYYAT İCRA OLUNUR