2018-ci ildə Gürcüstanın ən gəlirli şirkətlərinin ilk onluğunda Azərbaycan Dövlət Neft Şirkətinin (SOCAR) iki şirkəti yer alıb.
APA-nın Gürcüstan bürosu xəbər verir ki, bu barədə Gürcüstanın Milli Statistika İdarəsindən (GEOSTAT) bildirilib.
Məlumata görə, SOCAR-ın pərakəndə yanacaq satışı həyata keçirən “SOCAR Georgia Petroleum” və təbii qazın topdan satışını həyata keçirən “SOCAR Georgia Gas” şirkətləri Gürcüstanın ən gəlirli 10 şirkəti sırasındadır.
Qeyd edək ki, 2018-ci ildə “SOCAR Georgia Gas” Gürcüstanda 567 milyon lari məbləğində vergi ödəyib. 640 000 abonentə təbii qaz paylayan şirkətin hazırda 2200 işçisi var. 1500 işçisi olan “SOCAR Georgia Petroleum” şirkəti isə bu ölkədə ilk yanacaqdoldurma stansiyası olaraq 25 aprel 2008-ci ildə istifadəyə verilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
