Türkiyədə səfərdə olan iqtisadiyyat naziri, SOCAR-ın Müşahidə Şurasının sədri Mikayıl Cabbarovun rəhbərlik etdiyi nümayəndə heyəti Türkiyənin energetika və təbii sərvətlər naziri Fatih Dönməzlə görüşüb.
SOCAR-dan "APA-Economics"ə verilən məlumata görə, Mikayıl Cabbarov “Petkim Külək Enerjisi Stansiyası”nın Türkiyənin bərpa olunan enerji potensialının yüksəlməsinə, karbon emissiyalarının əhəmiyyətli dərəcədə azalmasına töhfəsini qeyd edib.
Türkiyənin energetika və təbii sərvətlər naziri Fatih Dönməz Türkiyə-Azərbaycan iş birliyinin daha da gücləndirilməsi istiqamətləri, ölkəsinin Azərbaycanda həyata keçiriləcək qaz hasilatının artırılması layihələrində investor olaraq iştirakı barədə fikirlərini bildirib. Görüşdə Azərbaycan və Türkiyə arasında energetika, bərpa olunan enerji sahələrində əməkdaşlığın, SOCAR-ın Türkiyədəki fəaliyyətinin genişləndirilməsi imkanları və qarşılıqlı maraq doğuran digər məsələlər müzakirə olunub.
***
19.52
Türkiyənin energetika və təbii sərvətlər naziri Fatih Dönməz iqtisadiyyat naziri Mikayıl Cabbarovla görüşüb.
APA-Economics xəbər verir ki, Fatih Dönməz bu barədə "Twitter" hesabında yazıb.
O qeyd edib ki, görüşdə Azərbaycanla enerji sahəsində hazırki əməkdaşlığı daha yüksək səviyyələrə aparacaq məsələlər müzakirə olunub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
