SOCAR bu il qaz ixracını 26% artırıb

SOCAR bu il qaz ixracını 26% artırıb
  • Clock-gray 13:49
  • calendar-gray 18 Oktyabr 2019

SOCAR bu ilin yanvar-sentyabr aylarında 1,1 mlrd. kubmetrdən çox qaz ixrac edib ki, bu da ötən ilin müvafiq dövrü ilə müqayisədə 26,2% çoxdur.

SOCAR-dan "APA-Economics"ə verilən məlumata görə, bu ilin 9 ayı ərzində xarici bazarlara ölkə üzrə 8,2 mlrd. kubmetrdən artıq qaz ixrac olunub, bu da 26,5% artım deməkdir.

"Cari ilin III rübündə SOCAR tərəfindən 145,9 mln. kubmetr qaz ixrac olunub. Ölkə üzrə ixrac olunan qazın göstəricisi 2,7 mlrd. kubmetr təşkil edilib", - SOCAR-ın məlumatında bildirilir.

Bundan əlavə, III rüb də daxil olmaqla bu il yeraltı anbarlara (“Qalmaz” və “Qaradağ”) 2,1 mlrd. kubmetr təbii qaz tədarük edilib. Hazırda qaz anbarlarında 2,9 mlrd. kubmetr qaz var və anbarlara qazın vurulması prosesi davam etdirilir.

Emil İsmayılov

Digər xəbərlər

Arxiv

date