Almaniya təbii qaz idxalı ilə bağlı alternativ mənbələr axtarışındadır.
APA xəbər verir ki, bunu Almaniyanın Azərbaycandakı səfiri Volfqanq Maniq deyib.
Səfir xatırladıb ki, Azərbaycanın energetika naziri Berlində keçirilən Enerji Forumunda iştirak edərkən almaniyalı həmkarları ilə görüşüb: “İyun ayında Bakıda keçiriləcək Enerji Forumunda Almaniya təmsil olunacaq. Dəqiq deyə bilmərəm ki, bu, nazir, nazir müavini və ya hansı səviyyədə olacaq, lakin Almaniya bu foruma qatılacaq”.
Diplomat SOCAR-la Almaniyanın "Uniper" qaz şirkəti arasında əməkdaşlığın mövcud olduğunu vurğulayıb: “Aprelin 28-də SOCAR və Uniper arasında görüş keçiriləcək, onlar sənəd imzalayacaq. Almaniyada enerji resursları sahəsində Azərbaycanla əməkdaşlığa böyük maraq var. Biz bilirik ki, Cənub Qaz Dəhlizi öz limitinə çatıb və indiki situasiyanı qarşılayacaq qədər qaz nəqli üçün nəzərdə tutulmayıb”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
