Bu gün səhər saat 08.00-dan etibarən işlər başa çatanadək Qaz İxrac İdarəsinin “Qazıməmməd-Qazax” magistral kəmərində aparılan təmir işləri ilə bağlı Tovuz və Ağstafa rayonlarının bir neçə yaşayış məntəqəsində qaz təchizatı dayandırılıb.
Bu barədə “APA-Economics”ə “Azəriqaz” İstehsalat Birliyindən məlumat verilib.
Bundan başqa, bu gün səhər saat 10:00-dan etibarən avqustun 6-sı işlər başa çatanadək Qaz İxrac İdarəsinin balansındakı magistral xətlərdə aparılan sazlama işləri ilə əlaqədar Qazax şəhərinin bir hissəsi, bir neçə kənd, bir sənaye müəssisəsi və 2 məktəbdə qaz təchizatı dayandırılıb.
Bu gün səhər saat 09:00-dan etibarən avqustun 7-si işlər başa çatanadək Qaz İxrac İdarəsinin balansında olan magistral kəmərlərdə nəzərdə tutulan təmir işləri isə texniki səbəblərdən avqust ayının 6-na keçirilib.
Ona görə də Ağsu, Kürdəmir, İsmayıllı, Göyçay rayonlarının bir neçə kənd və yaşayış məntəqəsində qaz təchizatında dayandırmalar olmayacaq.
Qeyd edək ki, bu barədə xəbər “Azəriqaz” İB-nin facebook səhifəsində dünən axşam saatlarında yayılmışdı.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
