Üç ölkə Rusiya avtomobil sənayesininin alternativ təchizatçısı ola bilər

Üç ölkə Rusiya avtomobil sənayesininin alternativ təchizatçısı ola bilər
# 16 may 2022 18:38 (UTC +04:00)

Çin, Türkiyə və İran şirkətləri Rusiya avtomobil sənayesi üçün alternativ təchizatçı ola bilərlər.

"APA-Economics" xəbər verir ki, bunu Rusiya Federasiyası Sənaye və Ticarət Nazirliyinin avtomobil sənayesi və dəmir yolu maşınqayırması departamentinin direktoru Denis Pak bildirib.

"Bizim avtomobilimiz bir neçə min komponentdən ibarətdir və tədarükçülər müxtəlif ölkələrdə yerləşir. Təbii ki, hər hansı logistik problem yaranarsa və ya təchizatçı lazımı komponentləri təmin edə bilmədiyi və ya ondan imtina etdiyi halda bu komponentlərin təmin edilməsi üçün digər ölkələrə müraciət ediləcək. Məsələn, biz Çin, Türkiyə, İran və ölkəmizə qarşı sanksiyalar tətbiq etməyən digər ölkələrdə yerləşən Asiya tədarükçülərini nəzərdən keçiririk”, - deyə o bildirib.

Qeyd edək ki, Rusiya avtomobil sənayesi Qərbin sanksiyaları, təchizat zəncirlərinin pozulması və milli valyutanın dəyişkənliyi fonunda böyük istehsal problemləri ilə üzləşib. Bəzi xarici komponent tədarükçüləri ehtiyat hissələrini Rusiya Federasiyasındakı zavodlara vaxtında göndərmək imkanını itirib, digərləri isə Rusiyada fəaliyyətini davam etdirməkdən əsaslı şəkildə imtina ediblər.

Rusiya Federasiyasının Sənaye və Ticarət Naziri Denis Manturov isə aprelin əvvəlində nazirliyin həm bazarı, həm də avtomobil istehsalını bərpa etməyə kömək edəcək idarəedici qərarlar qəbul edəcəyinə inandırıb.

#
#

ƏMƏLİYYAT İCRA OLUNUR