Norveçin “Equinor” şirkəti bu il yayın sonunadək Xəzərin Azərbaycan sektorunda yerləşən “Əşrəfi-Dan Ulduzu-Aypara” (ƏDUA) kəşfiyyat sahəsində 2 və 3-ölçülü seysmik tədqiqatlarını bitirməyə planlaşdırır. Bu barədə “APA-Economics”ə Azərbaycanın neft-qaz sektorundakı etibarlı mənbə bildirib.
Tədqiqat işləri təxminən minimum 3-ölçülü seysmik məlumatın tam 500 qat kvadrat km və təxminən minimum 2-ölçülü seysmik məlumatın tam 800 qat kvadrat km əhatə edilməsindən ibarət olacaq.
Mənbənin məlumatına əsasən, 2-3-ölçülü seysmik tədqiqatın 2019-cu ilin iyul ayında başlanacağı gözlənilir.
“Gəmi olacağı təqdirdə işlər bu ay başlayacaq və 40 gündən artıq bir vaxt intervalını əhatə edəcək”, - deyə mənbə əlavə edib.
Xatırladaq ki, SOCAR və “Equinor” şirkətləri arasında 2018-ci ilin may ayında “Xəzər dənizinin Azərbaycan sektorunda “Qarabağ” neft yatağının işlənməsi ilə əlaqədar risk xidməti” və “Xəzər dənizinin Azərbaycan sektorunda “Əşrəfi-Dan Ulduzu-Aypara” sahəsinin kəşfiyyatı, işlənməsi və hasilatın pay bölgüsü” haqqında sazişlər imzalanıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
