Xəzərin Azərbaycan sektorunda yerləşən "Azəri-Çıraq-Günəşli" neft-qaz yataqları blokunun işlənilməsinə başlandığından indiyə kimi (may ayının birinə kimi) 573 mln. ton neft hasil edilib.
"APA-Economics" xəbər verir ki, bunu 28-ci Bakı Enerji Forumu zamanı SOCAR-ın birinci vitse-prezidenti Xoşbəxt Yusifzadə deyib.
Onun sözlərinə görə, indiyədək yataqlar blokundan 208 mlrd. kubmetr qaz hasil edilib.
Xoşbəxt Yusifsadə, qeyd edib ki, indiyədək AÇG-də hasil edilən neftin 340 mln. tonu Azərbaycanın mənfəət neftinin payına düşüb.
Birinci-vitse prezident onu da əlavə edib ki, indiyədək Azərbaycanda ixrac edilən 654 mln. ton neftin 484 mln. tonu Bakı-Tbilisi-Ceyhan kəməri vasitəsilə dünya bazarlarına çıxarılıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
