Türkiyənin nəqliyyat, dənizçilik və rabitə naziri Əhməd Arslan bu gün "Bakutel-2017" sərgisinin açılışında iştirak edib.
"APA-Economics" xəbər verir ki, "Bakutel" sərgisinin keçirilməsini "gözəl ənənə" adlandıran nazirin sözlərinə görə, türk şirkətləri bu tədbirdə iştiraka hər zaman maraq göstərib: "Bunun əsas səbəbi ondan ibarətdir ki, türk şirkətləri regionda İKT və nəqliyyat sektorunda nümunəvi xidmət göstərir. Sadəcə GSM operatorlarımız deyil, bu sektora dəstək verən digər şirkətlərimiz də regionda fəaliyyətlərini daha da genişləndirmək niyyətindədir və "Bakutel" bunun üçün çox gözəl platformadır".
Ə.Arslanın sözlərinə görə, "Bakutel" sərgisinə Türkiyədən 10-dan çox şirkət qatılıb: "Şirkətlərimizə çox böyük maraq var, təbii ki, bunun da kökündə göstərdiyimiz keyfiyyətli xidmət dayanır. Qardaş ölkə Azərbaycanda olmaqdan məmnunam. Azərbaycanı təbrik edirik. Bu il 22 ölkədən 190-dan çox şirkətin iştirak edir. Bu, çox vacib rəqəmdir. Azərbaycan və Türkiyə şirkətləri çox gözəl əməkdaşlıq edir. Bu əməkdaşlıq təkcə region üçün deyil, beynəlxalq səviyyədə də görüləcək işlər üçün edilir", - deyə türkiyəli nazir vurğulayıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
