Sosial

Ana səhifə

Sosial

Prezident yanında Qeyri-Hökumət Təşkilatlarına Dövlət Dəstəyi Şurasına 20-yə yaxın layihə təqdim olunub

20 iyun 2008 12:34 (UTC +04:00)

Bakı. Ramil Məmmədli APA. Prezident yanında Qeyri-Hökumət Təşkilatlarına Dövlət Dəstəyi Şurası QHT-lərin layihələrinin maliyyələşməsi ilə bağlı müsabiqəyə həsr olunan məlumat sessiyası keçirib. APA-nın məlumatına görə, şuranın eksperti Fərasət Qurbanov deyib ki, müsabiqəyə 15 müddəa üzrə layihələr təqdim olunmalıdır. O bildirib ki, layihələrin qəbulu müddəti iyunun 12-dən iyulun 2-nə qədərdir. Layihə ilə birlikdə müvafiq sənədlərin də təqdim edilməsinin zəruriliyini vurğulayan F. Qurbanov layihələrin qiymətləndirilməsinin şura tərəfindən qəbul olunan prosedura uyğun həyata keçiriləcəyini söyləyib: “Seçim prosesi üç mərhələdə aparılacaq. Birinci mərhələ layihənin katiblik tərəfindən qəbulu, ikinci mərhələ ekspertlərin qiymətləndirilməsindən ibarətdir. Üçüncü mərhələdə isə layihənin əhəmiyyətli olması və ayrılan maliyyə vəsaiti şura üzvləri tərəfindən təsdiqlənir”. F. Qurbanov indiyə qədər 20-yə yaxın layihənin təqdim olunduğunu açıqlayıb.