Sosial

Ana səhifə

Sosial

BMT-nin baş katibi narkotiklərin istifadəsi və qanunsuz dövriyyəsinə qarşı mübarizə günü ilə bağlı müraciət yayıb

25 iyun 2008 08:30 (UTC +04:00)

Bakı. Məhbubə Qasımbəyli APA. BMT-nin baş katibi Pan Gi Mun 26 iyun - narkotiklərin istifadəsi və qanunsuz dövriyyəsinə qarşı mübarizə günü ilə bağlı müraciət yayıb. BMT-nin Azərbaycan nümayəndəliyinin mətbuat xidmətindən APA-ya verilən məlumata görə, müraciətdə bildirilir ki, dünyada narkotiklərə meylliliyi azaltmaq üçün görüləcək çox işlər var: “Zəif ədliyyə sistemi, məhdud hüquq-mühafizə imkanları olan dövlətlər cinayət, korrupsiya və qeyri-stabilliyə səbəb olan, Minilliyin İnkişaf Məqsədlərinin uğurla həyata keçirilməsini təhlükə altında qoyan narkotiklərin qanunsuz dövriyyəsinin azaldılması üçün yardıma ehtiyac duyurlar”. Baş katib ölkələri narkotik asılılıqla mübarizə edən insanların tibbi və sosial xidmətlərdən istifadə etmək hüququnu tam təmin etməyə çağırıb: “Heç kim narkotik asılılığa görə nə rüsvay olmalı, nə də diskriminasiyaya məruz qalmalıdır”.