Sosial

Ana səhifə

Sosial

Sabiq nazirin işi üzrə məhkəmə prosesi davam etdirilib

25 iyun 2008 14:17 (UTC +04:00)

Bakı. Hacı Zeynalov-APA. Bu gün, günün ikinci yarısında Bakı Apellyasiya Məhkəməsində hakim Mirpaşa Hüseynovun sədrliyi ilə sabiq iqtisadi inkişaf naziri Fərhad Əliyev, “Azpetrol” Şirkətlər Qrupunun sabiq prezidenti Rafiq Əliyev və digər şəxslərin apellyasiya şikayəti üzrə məhkəmə prosesi davam etdirilib. APA-nın məlumatına görə, R. Əliyevin vəkili Fuad Ağayev çıxış edib. Vəkil müdafiə etdiyi şəxsə bəraət verilməsini istəyib. Məhkəmə prosesi iyulun 1-də davam etdiriləcək.
Qeyd edək ki, Ağır Cinayətlərə Dair İşlər üzrə Məhkəmənin hökmü ilə F. Əliyev
10, R. Əliyev isə 9 il müddətinə azadlıqdan məhrum ediliblər. Təqsirləndirilən şəxslər Cinayət Məcəlləsinin 179-cu (mənimsəmə və ya israf etmə), 192-ci (qanunsuz sahibkarlıq), 206-cı (qaçaqmalçılıq), 213-cü (vergi ödəməkdən yayınma), 308-ci (vəzifə səlahiyyətlərindən sui-istifadə), 311-ci, (rüşvət alma), 313-cü (vəzifə saxtakarlığı) maddələri ilə ittiham olunurlar.

Fərhad_Əliyev_məhkəmə