Sosial

Ana səhifə

Sosial

Yaxın günlərdə Azərbaycan ərazisində sabit hava şəraiti müşahidə olunacaq

13 aprel 2009 09:54 (UTC +04:00)

Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun baş hidroloqu Asif Verdiyevin APA-ya verdiyi məlumata görə, aprelin 14-də cənub küləyi əsəcək, gündüz arabir nisbətən güclənəcək. Havanın temperaturu gecə 4-6, gündüz 11-14 dərəcə isti olacaq.

Aprelin 15-də isə havanın dəyişkən buludlu, əsasən, yağmursuz olacağı gözlənilir. Cənub küləyi əsəcək, arabir nisbətən güclənəcək. Havanın temperaturu gecə 5-7, gündüz 12-15 dərəcə isti olacaq. Aprelin 16-da axşam və gecə yarımadanın bəzi yerlərində qısamüddətli az yağış yağacağı ehtimalı var. Cənub-qərb küləyi əsəcək, gündüz şimal-qərb küləyinə keçəcək, axşama doğru arabir nisbətən güclənəcək. Havanın temperaturu gecə 5-8, gündüz 11-15 dərəcə isti olacaq.

Azərbaycanın rayonlarında aprelin 14-də, əsasən, yağmursuz hava şəraiti gözlənilir. Şərq rayonlarında isə qısamüddətli yağış yağacağı gözlənilir. Cənub-qərb küləyi əsəcək, gündüz dağlarda arabir güclənəcək. Havanın temperaturu gecə 1-6, gündüz 9-14 dərəcə isti, dağlarda gecə 2-7 dərəcə şaxta, gündüz 0-5 dərəcə isti olacaq.

Aprelin 15-16-da hava, əsasən, yağmursuz olacaq. Lakin aprelin 16-da gecə və axşam bəzi yerlərdə qısamüddətli yağış yağacağı gözlənilir. Qərb küləyi əsəcək, ayrı-ayrı yerlərdə arabir güclənəcək. Havanın temperaturu gecə 3-8, gündüz 10-15 dərəcə isti, dağlarda gecə 3 dərəcə şaxtadan 2 dərəcəyədək isti, gündüz 3-8 dərəcə isti olacaq.