Sosial

Ana səhifə

Sosial

Moskvada Məhəmməd Əmin Rəsulzadə haqqında kitab nəşr olunub

13 aprel 2009 14:20 (UTC +04:00)

Bakı. Ramil Məmmədli – APA. Rusiyanın paytaxtı Moskvada Azərbaycan Demokratik Respublikasının banisi Məhəmməd Əmin Rəsulzadənin 125 illik yubileyi ilə bağlı tarix elmləri doktoru Aydın Balayevin “Məhəmməd Əmin Rəsulzadə - 1884-1995” adlı kitabı nəşr olunub. Kitab müəllifinin APA-ya verdiyi məlumata görə, nəşr M. Ə. Rəsulzadənin siyasi fəaliyyətə başladığı ilk vaxtlardan mühacirət dövrünə qədərki həyatını əhatə edib, xarici ölkələrdə Azərbaycan idealları uğrunda apardığı mübarizəyə dair faktlar əksini tapıb.

Kitab Moskvanın “Finta” nəşriyyatında nəşr edilib. Nəşrin elmi redaktoru Rusiya Etnologiya və Antropologiya İnstitutunun direktoru, tarix elmləri doktoru M. N. Quboqlo, resenziyanın müəllifi isə Rusiya Elmlər Akademiyasının Rusiya Tarixi İnstitutunun professoru C.M. İshakovdur.