Sosial

Ana səhifə

Sosial

Şahbuzda əmək yarmarkası keçirilib

17 aprel 2009 16:37 (UTC +04:00)

Naxçıvan. C. Qurbanoğlu-APA. Naxçıvan Muxtar Respublikasının Şahbuz rayonunda növbəti əmək yarmarkası keçirilib. Rayon Məşğulluq Mərkəzinin direktoru Hüseyn Lazımovun APA-nın yerli bürosuna verdiyi məlumata görə, yarmarkada vətəndaşlara müəssisə və təşkilatlar üzrə 88 boş iş yeri təqdim olunub. Gün ərzində 40 nəfərə işlə bağlı göndəriş verilib. Şəhər və rayon məşğulluq mərkəzlərinin xətti ilə keçirilən belə yarmarkalar aprel ayının sonlarınadək regionun bütün bölgələrini əhatə edəcək. Yarmarkaların növbəti rüblər ərzində də təşkili nəzərdə tutulur. Qeyd edək ki, ötən il Naxçıvan MR-də rayon və şəhər məşğulluq mərkəzləri tərəfindən 2 min 351 işaxtaran vətəndaş qeydə alınıb, onlardan 2 min 113-ü işlə təmin olunub.