Sosial

Ana səhifə

Sosial

Naxçıvana yeni sərnişin avtobusları gətirilib

20 aprel 2009 16:42 (UTC +04:00)

Naxçıvan. C. Qurbanoğlu—APA Naxçıvan şəhərinə 11 ədəd yeni sərnişin avtobusu gətirilib. Naxçıvan MR Nəqliyyat Nazirliyindən APA-nın yerli bürosuna verilən məlumata görə, 10 ədəd «King Long» markalı Çin istehsalı olan avtobuslardan şəhərdaxili marşrutlarda istifadə olunacaq. Yeni avtobusların hər birinin oturacaq sayı 25 yer, ümumi tutumu 48 nəfərlikdir. Şəhər tipli nəqliyyat vasitələri alınarkən ekoloji standartlara uyğun olması nəzərə alınıb. Digər 1 ədəd avtobus isə 30 yerlik olmaqla, ümumi tutumu 58 nəfərdir. Avtobusların alınmasına 395 min 240 manat vəsait sərf olunub.
Qeyd edək ki, Naxçıvan şəhərində sərnişindaşımada 6 marşrut üzrə 110-dan artıq avtobus və mikroavtobus xidmət göstərir. Son illərdə Naxçıvana müxtəlif markalı 40 yeni avtobus gətirilib. Bunlardan 23-ü «King Long» markalı olmaqla Çin istehsalıdır.