Nazirlər Kabineti Qubadakı kütləvi məzarlıqla bağlı tədbirlər planını yerli rayon icra hakimiyyətinə göndərib
20 iyul 2009 12:15 (UTC +04:00)
Bakı. Kəmalə Quliyeva-APA. Azərbaycan Nazirlər Kabineti (NK) Quba rayon İcra Hakimiyyətinə rayondakı kütləvi məzarlıqla bağlı tədbirlər planı göndərib. Bu barədə APA-ya rayon icra başçısının müavini Yusif Abidov bildirib. Onun sözlərinə görə, tədbirlər planında məzarlığın mühafizə olunması, qorunması, soyqırımı ilə bağlı bukletlərin hazırlanması və ərazidə muzey kompleksin tikilməsi nəzərdə tutulur. Soyqırımı muzeyinin tikilməsi ilə bağlı maliyyənin ayrılması üçün Maliyyə Nazirliyindən cavab gözlədiklərini bildirən Y. Abidov deyib ki, vəsait ayrılandan dərhal sonra muzeyin tikintisinə başlanacaq: “Məzarlığın mühafizəsi ilə bağlı lazım olan işlərin hamısı görülür. Məzarlıq dörd tərəfdən bağlıdır, üstü örtülüdür. Məzarlığa gedən yolu düzəltmişik, ətrafındakı restoranı və yaşayış evlərini sökmüşük. Soyqırımı muzeyinin artıq layihəsi də hazırdır. Quba məzarlığında böyük soyqırımı muzeyi yaradılacaq”.
Sosial
Xankəndidə doğulan körpəyə Ali Baş Komandanın adı qoyulub - FOTO
20:35
23 aprel 2024
Xankəndidə doğulan ilk körpənin ailəsinə şəhərdə mənzil ayrılıb - YENİLƏNİB
19:35
23 aprel 2024
Şamaxıda selin yaratdığı fəsadlar aradan qaldırılır - FOTO - YENİLƏNİB
18:41
23 aprel 2024
Kamran Əliyev Sabunçuda vətəndaşları qəbul edib
17:48
23 aprel 2024