Sosial

Ana səhifə

Sosial

Sumqayıtda 7850 ədəd mövsümi gül, dekorativ kol və ağaclar əkilib

16 dekabr 2009 11:04 (UTC +04:00)

Sumqayıt – APA. Sumqayıt şəhər küçələrində ümumilikdə son bir ay ərzində 7850 ədəd mövsümü gül, dekorativ kol və ağaclar əkilib.

Sumqayıt İxtisaslaşdırılmış Yaşıllaşdırma Tikinti İdarəsindən APA-ya verilən məlumata görə, şəhərin Niyazi küçəsində 350 ədəd eonimus kolu, H.Əliyev prospektində 250 ədəd eonimus kolu, 2000 ədəd mövsümü gül, 45-ci məhəllə ərazisində yerləşən parkda 3500 ədəd mövsümi gül, 900 ədəd eonimus kolu, 30 ədəd amerikan tuyası, 20 ədəd xan çinarı, 700 ədəd müxtəlif çeşidli ağac, 3-cü mikrorayon ərazisində yerləşən parkda isə 100 ədəd dekorativ kol əkilib. Bundan əlavə, parkda sahələrə münbit torpaq və üzvü gübrə verilib.

Şəhərin Babək, Niyazi, N.Nərimanov, Z.Hacıyev küçələrində və “Nəsimi Parkı”nda dekorativ kollara budanaraq forma verilib. Şəhərdə yaşıllıqlara verilən suvarma işlərinin keyfiyyətinin artırılması, su itkisinin qarşısının alınması məqsədilə 190 p/metr yeni su xətti çəkilib.