Bakıda Cənubi Qafqazda reproduktiv sağlamlıq məsələlərinə həsr olunmuş parlament görüşü keçirilir
07 mart 2007 10:25 (UTC +04:00)
Bakıda Cənubi Qafqazda reproduktiv sağlamlıq məsələlərinə həsr olunmuş parlament görüşü keçirilir. APA-nın xəbərinə görə, toplantıda reproduktiv sağlamlıq və gender problemləri ilə bağlı videorolik nümayiş etdirilib və mövzuya dair bəzi deputatların çıxışları olub. BMT-nin Azərbaycandakı nümayəndəsi Bruno Pouezat Azərbaycan prezidentinin 2007-ci ili “Gənclər ili” elan etməsindən, Azərbaycan parlamentində xeyli gəncin təmsil olunmasından və Milli Məclisdə bu sahəyə böyük diqqət yetirilməsindən məmnun olduğunu bildirib. Ombudsman Elmira Süleymanova isə “Cənubi Qafqazda gənclərin reproduktiv sağlamlıq təşəbbüsü” tipli proqramların inkişaf etdirilməsinin əhəmiyyətini vurğulayıb: “Hazırda həm hökumət, həm qeyr-hökumət təşkilatları, həm də xalq bu problemlə məşğul olmağa hazırdır”. Ailə, Qadın və Uşaq Problemləri üzrə Dövlət Komitəsinin nümayəndəsi Sədaqət Qəhrəmanova qeyd edib ki, gənclərin reproduktiv sağlamlığı və gender məsələləri ilə bağlı maarifləndirici işlər rayonlardan başlamalıdır. /APA/
Sosial
Bakı Fransız Liseyi fəaliyyətini dayandırır - YENİLƏNİB
15:31
19 aprel 2024
Kamran Əliyev Çində Beynəlxalq Prokurorlar Assosiasiyasının iclasında çıxış edib
15:11
19 aprel 2024
Ədliyyə işçilərinə və ailə üzvlərinə mənzil kirayəsiylə əlaqədar pul kompensasiyası ödəniləcək
13:40
19 aprel 2024
Siyavuş Novruzov: Əgər uşaq evdə dərs oxuyacaqsa, məktəbə niyə gedir?
13:38
19 aprel 2024