Sosial

Ana səhifə

Sosial

Bu ilin 9 ayı ərzində 20 yolayrıcında yeni işıqfor sahəsi qurulub

16 oktyabr 2007 08:36 (UTC +04:00)

2007-ci ilin 9 ayı ərzində hərəkətin işıqforla tənzimlənməsi üçün 20 yolayrıcında yeni işıqfor sahəsi qurulub. Daxili İşlər Nazirliyi Baş Dövlət Yol Polisi İdarəsindən APA-ya verilən məlumata görə, ölkə ərazisindəki 59 işıqforda bərpa işləri aparılıb, 11-i ləğv edilib. Hesabat dövründə 1935 yol nişanı qoyulub və ya yenisi ilə əvəz edilib, küçə və yollarda 1,4 milyon poqonmetrdən artıq boya ilə cizgilənmə işi aparılıb. 2007-ci ilin 9 ayı ərzində 13368 avtomobilin mühərriklərinin işlənmiş qazlarında zərərli maddələrin miqdarının normadan artıq olduğu aşkar olunaraq nəticəsi üzrə müvafiq inzibati tədbirlər görülüb. “Sutkanın qaranlıq vaxtı piyada vurulması”, “Nizamlanmayan piyada keçidinin keçilməsi”, “Yol ayrıcında olan piyada keçidinin keçilməsi”, “Yolu keçərkən qaçmağın yaratdığı təhlükə” və “Ötmə əməliyyatının aparılması” və s. mövzularında 10 animasiya hazırlanıb. /APA/