Naxçıvan sakinləri xarici ölkələr arasında daha çox Türkiyə və Rusiyaya getməyə üstünlük verirlər
27 oktyabr 2007 10:52 (UTC +04:00)
Naxçıvan sakinləri turist qismində daha çox Türkiyə və Rusiya Federasiyasına getməyə üstünlük verirlər. Muxtar Respublika Mədəniyyət və Turizm Nazirliyindən APA-ya verilən məlumata görə, bu, həm yaxınlıq, həm də maddi səbəblərlə əlaqədardır: “Yanvar-fevral ayı üzrə göstəricilərə nəzər salsaq, daha çox bu ölkələr üzrə istirahət bölgələrinə səfərlərin təşkil olunduğu diqqət çəkir. Bu müddət ərzində Türkiyənin 8, Rusiya Federasiyasının 10 bölgəsinə turist axını qeydə alınıb. Bölgələr üzrə Antalya, Kəmər, Soçi, Sankt-Peterburqa getməyə maraq daha çoxdur”. Nazirlikdən onu da əlavə ediblər ki, bu ilin 9 ayı ərzində 46 min 401 nəfər Naxçıvan sakini turist qismində xarici ölkələrə, eləcə də respublikanın digər bölgələrində yerləşən sanatoriya və istirahət mərkəzlərinə səfər edib. Bu il ümumilikdə 16 ölkənin 73 bölgəsinə turist səfəri qeydə alınıb. /APA/
Sosial
“Lifttəmir”in direktoruna şiddətli töhmət verilib, 2 nəfər vəzifəsindən kənarlaşdırılıb
13:07
28 mart 2024
Ombudsman Xankəndidə erməni əsilli sakinlərlə görüşüb
11:51
28 mart 2024
Ağdərənin Çiləbürt kəndində 2 qumbaraatan və pulemyot hissələri tapılıb - FOTO
10:59
28 mart 2024
Aprelin 28-də keçiriləcək magistratura imtahanı üçün qeydiyyat elan edilib
10:55
28 mart 2024