Azərbaycan Daxili İşlər Nazirliyinin mətbuat xidməti: Emin Hüseynova qarşı zor tətbiq olunmayıb
17 iyun 2008 12:12 (UTC +04:00)
Bakı. Məhbubə Qasımbəyli - APA. “Reportyorların Azadlığı və Təhlükəsizliyi İnstitutunun (RATİ) sədri Emin Hüseynova qarşı zor tətbiq olunmayıb”. Bu barədə APA-nın sualına cavab olaraq Daxili İşlər Nazirliyinin (DİN) mətbuat xidmətindən bildirilib. DİN-dən verilən məlumata görə, E. Hüseynovun iyunun 14-də Nəsimi rayon Polis İdarəsinin 22-ci polis bölməsində təzyiqlərə məruz qalması barədə mətbuata verdiyi açıqlamaların heç bir əsası yoxdur: “İyunun 14-də 22-ci polis bölməsinə ərazidə olan kafelərdən birində icazəsiz toplantı keçirilməsi barədə məlumat daxil olub. Polis əməkdaşları həmin ünvana baxış keçirəndə məlum olub ki, orada 50-yə yaxın şəxs icra hakimiyyəti orqanları ilə razılaşdırılmamış tədbir keçirir. Polis əməkdaşları icazəsiz aksiyanın qarşını almaq üçün iştirakçılardan ərazini tərk etməyi tələb ediblər. Amma iştirakçılar bu tələbə məhəl qoymayıblar. Belə olan halda polislər 20-yə yaxın şəxsi, o cümlədən Emin Hüseynovu bölməyə dəvət ediblər. Lazımi xəbərdarlıq ediləndən sonra onların hamısı sərbəst buraxılıb. Ancaq Emin Hüseynov çıxarkən bölmənin qarşısında yerə yıxılıb və sonradan döyüldüyünü iddia edib”.
Mətbuat xidmətindən bildirilib ki, RATİ sədrinin üzərində aparılan tibbi ekspertizadan sonra ona “nevrostonik reaksiya” diaqnozu qoyulub: “Onun fiziki zorakılığa məruz qalması barədə dedikləri təsdiqlənməyib. Emin Hüseynovun guya döyülməsi barədə mətbuata verdiyi açıqlamalar da bir-biri ilə ziddiyyət təşkil edir”.
Mətbuat xidmətindən bildirilib ki, RATİ sədrinin üzərində aparılan tibbi ekspertizadan sonra ona “nevrostonik reaksiya” diaqnozu qoyulub: “Onun fiziki zorakılığa məruz qalması barədə dedikləri təsdiqlənməyib. Emin Hüseynovun guya döyülməsi barədə mətbuata verdiyi açıqlamalar da bir-biri ilə ziddiyyət təşkil edir”.
Sosial
Baş prokuror iordaniyalı həmkarı ilə görüşüb
15:14
24 aprel 2024
Kəmaləddin Heydərov Göygöl şəhərində vətəndaşları qəbul edəcək
12:52
24 aprel 2024
“Azərbaycan Çernobıl Əlilləri İttifaqı” Metsamor AES-in fəaliyyətini dayandırmasını tələb edir
11:09
24 aprel 2024
“Azərbaycan Çernobıl Əlilləri İttifaqı”nın üzvləri Fəxri xiyabanı və Şəhidlər xiyabanını ziyarət ediblər - FOTO
10:44
24 aprel 2024