Tanınmış alim, fizika-riyaziyyat elmləri doktoru, baş elmi işçi Qeyis Cümşüd oğlu Sultanov vəfat edib.
Bu barədə APA-ya AMEA-dan bildirilib.
Qeyd edək ki, Sultanov Qeyis Cümşüd oğlu ali təhsilə 1957-ci ildə Azərbaycan Dövlət Universitetinin (indiki BDU) fizika fakultəsində başlayıb, 1960-cı ildə Xarkov Dövlət Universitetində (XDU) davam edib və 1963-cü ildə bitirib.
1974-cü ildə fizika-riyaziyyat elmləri namizədi alimlik dərəcəsi, 1989-cu ildə isə doktorluq dissertasiyasını müdafiə edərək elmlər doktoru elmi dərəcəsi alıb. 1980-2018- ci illərdə Fizika İnstitutunda laboratoriya rəhbəri, ömrünün sonuna kimi baş elmi işçi vəzifəsində çalışıb.
Qeyis Sultanov Azərbaycanda Mössbauer spektroskopiyası ilə məşğul olan aparıcı alimlərdən biri olub, bu istiqamətdə elmi işlərin aparılmasının əsasını qoyub. Bu sahədə geniş və yüksək səviyyəli tədqiqatlar yerinə yetirən tanınmış alim olub.
Məhz onun rəhbərliyi altında hələ sovetlər dövründə AMEA Fizika İnstitutunda Mössbauer spektroskopiyası ilə məşğul olan laboratoriya təşkil edilib və otuz səkkiz il həmin laboratoriyaya rəhbərlik edib.
Qeyis Sultanov böyük əksəriyyəti nüfuzlu xarici jurnallarda dərc olunmuş bir çox elmi əsərin müəllifi olub, çox sayda elmi tədbirlərdə Azərbaycan elmini uğurla təmsil edib. O, eyni zamanda uzun müddət pedaqoji fəaliyyətlə də məşğul olub.
Allah rəhmət eləsin!
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
