Müəllim olmaq üçün ərizə verənlərin sayında rekord göstərici qeydə alınıb

Müəllim olmaq üçün ərizə verənlərin sayında rekord göstərici qeydə alınıb
  • Clock-gray 11:36
  • calendar-gray 12 İyul 2019

“Bu il elektron ərizələrini qeydiyyatdan keçirən müəllimlərin sayı 56 mindən çox olub. Bu, əvvəlki illərlə müqayisədə rekord göstəricidir".

APA xəbər verir ki, bunu jurnalistlərə açıqlamasında Təhsil naziri Ceyhun Bayramov bildirib.

Nazir qeyd edib ki, test imtahanlarının iyulun 24-nə qədər keçiriləcəyi nəzərdə tutulur: "Hər gün orta hesabla 3200-ə yaxın müəllim test imtahanı verir. Hazırda bütün ölkə üzrə orta məktəblərdə vakant yerlərin sayı dəqiqləşdirilir. Yaxın zamanlarda bütün vakant yerlər elan ediləcək. Düşünürük ki, bu il ötən ildəkindən daha çox sayda vakant yer elan olunacaq. Namizədlərin sayını və rəqabətliliyini nəzərə alaraq gözləntimiz ondan ibarətdir ki, vakant yerlər 100 faiz tutulacaq. Çünki son illərdə Təhsilin inkişafı üzrə strategiyaya uyğun aparılan kompleks tədbirlər nəticəsində çox müsbət dinamika müşahidə olunur. Müəllimlik peşəsinin çox rəqabətli peşəyə çevrilməsinin şahidiyik.

Qeyd edək ki, iyulun 8-dən başlayaraq Azərbaycanda mərkəzləşmiş qaydada başlayaraq müəllimlərin işə qəbulu imtahanı keçirilir.

 

Günay Elşadqızı

Digər xəbərlər

Arxiv

date