Sosial

Ana səhifə

Sosial

Diaqnostik qiymətləndirmədən keçən müəllimlərin maaşı artırılıb

17 yanvar 2022 18:18 (UTC +04:00)

Müəllimlərin bilik və bacarıqlarının diaqnostik qiymətləndirilməsi aparılan dövlət ümumi təhsil müəssisələrinin direktorlarının, direktorun müavinlərinin, müəllimlərin və gənclərin çağırışaqədərki hazırlığı rəhbərlərinin aylıq vəzifə maaşları artırılıb.

APA-nın məlumatına görə, Nazirlər Kabineti bununla bağlı “Dövlət ümumi təhsil müəssisələrində çalışan bilik və bacarıqlarının diaqnostik qiymətləndirilməsi aparılan müəllimlərin, həmin müəssisələrin direktor və direktor müavinlərinin vəzifə maaşları sxeminin və məbləğlərinin, vəzifə maaşlarına əlavələrin məbləğlərinin təsdiq edilməsi haqqında” qərarında dəyişiklik edib.

Beləliklə, 1 yanvar 2022-ci ildən müəllimlərin bilik və bacarıqlarının diaqnostik qiymətləndirilməsi aparılan dövlət ümumi təhsil müəssisələrinin direktorlarının aylıq vəzifə maaşı 799 manat, direktorun müavinlərinin aylıq vəzifə maaşı 719 manat müəyyən edilib. Bundan əvvəl müəllimlərinin bilik və bacarıqlarının diaqnostik qiymətləndirilməsi aparılan dövlət ümumi təhsil müəssisələrinin direktorlarının aylıq vəzifə maaşı “Dövlət büdcəsindən maliyyələşdirilən müəssisələrdə (Azərbaycan Milli Elmlər Akademiyasının (AMEA-nın), AMEA-nın Naxçıvan və Gəncə bölmələrinin tabeliyində olan elmi müəssisə və təşkilatlar istisna olmaqla) çalışan işçilərin əməyinin ödənilməsinin Vahid Tarif Cədvəli”nin 18-ci dərəcəsinə uyğun (666 manat), direktor müavinlərinin aylıq vəzifə maaşı isə direktorun vəzifə maaşından 10 faiz aşağı olub.

Qərara əsasən, 1 yanvar 2022-ci ildən dövlət ümumi təhsil müəssisələrində çalışan bilik və bacarıqlarının diaqnostik qiymətləndirilməsi aparılan müəllimlərin aylıq vəzifə maaşları artırılır və müəllimlərin aylıq vəzifə maaşları aşağıdakı kimi olacaq:

Sıra №-si	Təhsili	Bir stavka dərs yükü 18 saat olmaqla, aylıq vəzifə maaşı (manatla)
Sıra №-si	Təhsili	pedaqoji staj 3 ilə qədər olduqda	pedaqoji staj 3 ildən 8 ilə qədər olduqda	pedaqoji staj 8 ildən 13 ilə qədər olduqda	pedaqoji staj 13 ildən 18 ilə qədər olduqda	pedaqoji staj 18 ildən çox olduqda
1.	Ali təhsilli	552	594	624	666	714
2.	Orta ixtisas təhsilli	504	534	552	588	636

Bundan əvvəl dövlət ümumi təhsil müəssisələrində çalışan bilik və bacarıqlarının diaqnostik qiymətləndirilməsi aparılan müəllimlərin aylıq vəzifə maaşları aşağıdakı kimi olub:

*Sıra* *№-si*	*Təhsili*	*Bir stavka dərs yükü 18 saat olmaqla, aylıq vəzifə maaşı (manatla)*
*Sıra* *№-si*	*Təhsili*	*pedaqoji staj 3 ilə qədər olduqda*	*pedaqoji staj 3 ildən 8 ilə qədər olduqda*	*pedaqoji staj 8 ildən 13 ilə qədər olduqda*	*pedaqoji staj 13 ildən 18 ilə qədər olduqda*	*pedaqoji staj 18 ildən çox olduqda*
1.	Ali təhsilli	460	495	520	555	595
2.	Orta ixtisas təhsilli	420	445	460	490	510

Eyni zamanda 1 yanvar 2022-ci ildən dövlət ümumi təhsil müəssisələrində çalışan bilik və bacarıqlarının diaqnostik qiymətləndirilməsi aparılan, gənclərin çağırışaqədərki hazırlığı rəhbərlərinin aylıq vəzifə maaşları da artırılıb və gənclərin çağırışaqədərki hazırlığı rəhbərlərinin aylıq vəzifə maaşları aşağıdakı kimi olacaq:

Sıra №-si	Təhsilin pillələri və pedaqoji staja qoyulan tələblər	Aylıq vəzifə maaşı (manatla)
1.	Xüsusi hazırlıq keçmiş, tam orta təhsilli, pedaqoji stajı ən azı 5 ilə qədər	434
2.	Xüsusi hazırlıq keçmiş, tam orta təhsilli, pedaqoji stajı 5 ildən çox; orta ixtisas təhsilli, pedaqoji stajı 5 ilə qədər	448
3.	Orta ixtisas təhsilli, pedaqoji stajı 5 ildən 10 ilədək; orta hərbi təhsilli və ya ali təhsilli, pedaqoji stajı hər iki halda 5 ilə qədər	462
4.	Ali təhsilli, pedaqoji stajı 5 ildən çox; orta ixtisas təhsilli, pedaqoji stajı 10 ildən çox; orta hərbi təhsilli, pedaqoji stajı 5 ildən çox; ali hərbi təhsilli, pedaqoji staja tələb qoyulmadan	490

Bundan əvvəl dövlət ümumi təhsil müəssisələrində çalışan bilik və bacarıqlarının diaqnostik qiymətləndirilməsi aparılan, gənclərin çağırışaqədərki hazırlığı rəhbərlərinin aylıq vəzifə maaşları aşağıdakı kimi olub:

*Sıra* *№-si*	*Təhsilin pillələri və pedaqoji staja qoyulan tələblər*	*Aylıq vəzifə maaşı* *(manatla)*
1.	Xüsusi hazırlıq keçmiş, tam orta təhsilli, pedaqoji stajı ən azı 5 ilə qədər	310
2.	Xüsusi hazırlıq keçmiş, tam orta təhsilli, pedaqoji stajı 5 ildən çox; orta ixtisas təhsilli, pedaqoji stajı 5 ilə qədər	320
3.	Orta ixtisas təhsilli, pedaqoji stajı 5 ildən 10 ilədək; orta hərbi təhsilli və ya ali təhsilli, pedaqoji stajı hər iki halda 5 ilə qədər	330
4.	Ali təhsilli, pedaqoji stajı 5 ildən çox; orta ixtisas təhsilli, pedaqoji stajı 10 ildən çox; orta hərbi təhsilli, pedaqoji stajı 5 ildən çox; ali hərbi təhsilli, pedaqoji staja tələb qoyulmadan	350