Dövlət İmtahan Mərkəzi buraxılış və qəbul imtahanlarına yeni orfoqrafiya qaydalarına uyğun tapşırıqların salınıb-salınmamasına aydınlıq gətirib.
APA-nın məlumatına görə, DİM-in Metodika və dərsliklərin monitorinqi şöbəsinin müdiri Afiqə Batıyeva bildirib ki, yeni orfoqrafiya və orfoepiya qaydaları hələ dərsliklərdə öz əksini tapmayıb: "Qəbul proqramında, imtahan prosesində dərslikdə əksini tapmayan heç bir qayda tətbiq olunmur. Bu dəyişikliklər həmin qaydaların dərsliklə üst-üstə düşməsi zamanı nəzərə alınacaq".
Onun sözlərinə görə, yalnız o sözlər imtahanda istifadə olunacaq ki, onların yazılışı dəyişilməyib, orfoqrafik qaydalarda da dərslikdə olduğu kimidir: “Bizim imtahanlar dərsliyə əsaslanır, dərsliklə təzad təşkil edən sözlər imtahanda istifadə edilməyəcək".
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
