Ötən 10 ildə inyeksion narkotik istifadəçiləri arasında QİÇS virusunun ötürülməsi və yayılması 2 dəfəyə qədər azalıb.
APA xəbər verir ki, bunu Respublika QİÇS-lə Mübarizə Mərkəzinin direktoru Famil Məmmədov deyib.
Onun sözlərinə görə, ölkəmizdə QİÇS virusunun yayılmasının lokallaşdırılmasına nail olunub: "Virus daha çox 25-49 yaş qrupu arasında yayılıb. Bundan aşağı yaş qrupunda yoluxma halları o qədər də rast gəlinmir. Bu, bütün dünyada bu cürdür. Ümumilikdə isə, ölkə üzrə yoluxan şəxslərin statistikasına baxdıqda 70 faiz kişilərdə, 30 faiz isə qadınlarda yoluxma halları qeydə alınır".
Mərkəzin direktoru son 10 ayda QİÇS-ə yoluxanların statistikasını qeyd edib: "10 ayda virusa yoluxan 695 nəfər aşkar edilib. Onların 680 nəfəri Azərbaycan vətəndaşı olub. Bunun da 68 %-i kişi, 32 %-i isə qadın olub”.
Famil Məmmədov İİV-ə yoluxmuş şəxslər arasında daha çox ölüm hallarının vərəm xəstəliyindən olduğunu diqqətə çatdırıb:
"2016-2021-ci illər ərzində ən çox ölüm halı 2018-ci ildə qeydə alınıb - 93 nəfər. Bu ölüm faktları arasında vərəm xəstəliyindən ölüm daha çoxdur. Bu, 27,3 faiz təşkil edir. İkinci yerdə isə, onkoloji xəstəliklərdir - 12,3 faiz. Qaraciyər sirrozundan 9,5 faiz, ürək-damar pataloji xəstəliklərindən ölüm isə 6,2 faiz təşkil edib".
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
