Dövlət Agentliyi: Azad edilmiş ərazilərə qayıdacaq 6 minə yaxın vətəndaş ixtisasartırmaya cəlb ediləcək

Dövlət Agentliyi: Azad edilmiş ərazilərə qayıdacaq 6 minə yaxın vətəndaş ixtisasartırmaya cəlb ediləcək
# 07 iyun 2023 12:33 (UTC +04:00)

İşğaldan azad edilmiş ərazilərə qayıdacaq 6 minə yaxın vətəndaş ixtisasartırma və təlimlərə cəlb ediləcək.

APA xəbər verir ki, bunu Peşə Təhsili üzrə Dövlət Agentliyinin direktor vəzifəsini icra edən, direktor müavini Ceyhun Kərəmov media nümayəndələri ilə görüşdə deyib.

O bildirib ki, bu istiqamətdə konkret planlar var:

"Həmin şəxslər köçənə qədər ixtisaslarını artıracaq, həmçinin müvafiq sertifikat alacaqlar. 5000 nəfər qısamüddətli təlimə, 1000 nəfər isə qısamüddətli ixtisasartırma təliminə cəlb olunacaq".

O həmçinin əlavə edib ki, peşə təhsilində tələbələrin böyük hissəsi dövlət hesabına təhsil alır:

"Dövlət vətəndaşın hansısa bir peşəyə sahib olmasında maraqlıdır. Bu, dövlət siyasətinin tərkib hissəsidir və ildən-ilə dövlət sifarişli yerlərin sayı daha da artırılacaq".

#
#

ƏMƏLİYYAT İCRA OLUNUR