Fitosanitar sertifikatların elektron mübadiləsi ilə bağlı Rusiya və Belarusun müvafiq qurumları ilə ilkin razılıq əldə olunub.
"APA-Economics" xəbər verir ki, bunu Beynəlxalq Bitki Sağlamlığı Forumunda Azərbaycan Qida Təhlükəsizliyi Agentliyinin aparat rəhbəri Elxan Mikayılov deyib.
Onun sözlərinə görə, bu istiqamətdə elektron sistemlərin inteqrasiyası artıq həyata keçirilir:
"Eyni zamanda 33 ölkə ilə müvafiq hökumətlərarası komissiya çərçivəsində hazırlanan protokollara, bitki sağlamlığı məsələlərinə dair qarşılıqlı əməkdaşlığı əks etdirən müddəalar əks olunub",- deyə Elxan Mıkayılov qeyd edib.