Şüadan qoruduğu deyilən eynəklərin 100% qoruyucu olması barədə heç bir elmi ədəbiyyatda sübut yoxdur.
APA xəbər verir ki, bunu Səhiyyə Nazirliyinin mütəxəssis-eksperti, oftalmoloq-cərrah Nigar Həsənova deyib.
Onun sözlərinə görə, kompüter qarşısında uzun müddət işləyənlər sadəcə gözlərini nəmləndirməklə və fasilə verməklə yarana biləcək narahatlıq və qurumanın qarşısını ala bilərlər:
“Yəni optikada təklif edilən şüadan qoruyucu eynəklər sizin fərdi seçiminizdir, lakin onun effekti düşündüyünüz kimi olmaya bilər”.