Sosial

İdman və həvəskar balıq ovuna dair qadağa müddətləri dəyişib

06 avqust 2022 10:15 (UTC +04:00)

Balıq və digər su bioresurslarının idman və həvəskar ovuna tələblər dəyişib.

APA-nın məlumatına görə, bu, Nazirlər Kabineti “Balıq və digər su bioresursları ovunun Qaydaları”nda etdiyi dəyişiklikdə əksini tapıb.

İndiyə qədər aşağıdakı yerlərdə və müddətlərdə balıq və digər su bioresurslarının idman və həvəskar ovu qadağan edilib:

	Qadağanın qüvvədə olduğu müddət intervalı
Xəzər dənizi
Şabran limanında	1 yanvar -15 iyun
Körpə balıqların buraxılışı zamanı Şirvan Nərəbalıqartırma Zavodunun nohurlarından Baş Şirvan Kollektorunun mənsəbinə kimi sahədə	1 iyun - 20 iyul
Kür çayı
Mingəçevir şəhər körpüsündən Varvara su anbarının sahillərinə kimi 10 km-lik ərazidə	1 - 30 aprel
Çay ilə əlaqəsi olan su hövzələrində	1 may - 30 iyun
Xəzər dənizinə axan bütün çaylarda	1 may - 30 iyun
Krevetlərin kürüləmə müddətində	1 iyun - 1 iyul
Şabran limanının Xəzər dənizi ilə birləşdirən kanalın və onun mənsəbindəki hər iki tərəfə 1 km , dənizə doğru 2 km-lik ərazilərdə	1 yanvar -15 avqust
Xərçəng ovu	1 aprel - 31 oktyabr

Dəyişikliyə əsasən, bundan sonra balıq və digər su bioresurslarının idman və həvəskar ovuna dair qadağalar aşağıdakı kimi olacaq:

Su obyektləri	Qadağan müddətləri
Xəzər dənizində (gölündə) və dənizə axan bütün çaylarda	1 may - 30 iyun
Şabran limanını Xəzər dənizi ilə birləşdirən kanalın və onun mənsəbindəki hər iki tərəfə 1 km, dənizə doğru 2 km-lik ərazilərdə	1 yanvar -15 avqust
Kür və Araz çayları ilə əlaqəsi olan bütün su hövzələrində	1 may - 30 iyun
Kür çayında Mingəçevir şəhər körpüsündən Varvara su anbarının sahillərinə qədər 10 km-lik ərazidə	1 - 30 aprel