Azərbaycan Respublikasının Prezidentinin 29 Aprel 2022-ci il tarixli sərəncamına əsasən Azəristiliktəchizat ASC şirkətinin müasirləşdirilməsi və gücləndirilməsi, fəaliyyətinin səmərəliliyin artırılması istiqamətində islahatlar proqramıda uğurla davam etdirilir.
APA xəbər verir ki, bu barədə "Azəristiliktəchizat" ASC-nin sədrinin islahatlar üzrə müşaviri Ramil Məhərrəmov mətbuat konfransında məlumat verib.
O bildirib ki, bu çərçivədə islahatlar “Azəristiliktəchizat” ASC-nin müasirləşdirilməsi, səmərəliliyinin artırılması və gücləndirilməsi gəlir və xərclərinin optimallaşdırılması, istilik və isti su təchizatı xidmətlərinin sayğaclaşdırılması, istilik təchizatı sistemlərinin bərpası və istismarı məqsədilə zəruri və təxirəsalınmaz tədbirlərin həyata keçirilməsi istiqamətində müxtəlilf layihələri əhatə edir:
"İslahatlar proqramı çərçivəsində şirkətin yeni strategiyasının hazırlanması, elektron sənəd dövriyyəsi və digər rəqəmsal həllərin tətbiqi, şirkətin kommersiya fəaliyyətinin genişləndirilməsi üçün yeni xidmət sahələrinin yaradılması, yeni əməliyyat idarəetmə sisteminin qurulması, İT infrastrukturunun təkmilləşdirilməsi, çevik və effektiv ictimaiyyətlə əlaqələr və kommunikasiya işinin qurulması, gənc kadrların şirkətə cəlb olunması kimi təşəbbüslər üzrə işlər başlayıb və davam etdirilir".
R. Məhərrəmov qeyd edib ki, həm istilik təchizatı sektoru üzrə, həm də "Azəristiliktəchizat" ASC-nin özünün yeni korporativ strategiyası beynəlxalq təcrübəyə uyğun hazırlanacaq:
"Yaxın aylarda biz bunu yekunlaşdırmağı planlaşdırırıq. Düşünürük ki, növbəti ilin ortalarına qədər strategiya hazır olacaq".
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
