“Media haqqında” Qanun layihəsinin ictimai dinləmələri çərçivəsində növbəti müzakirə keçirilib

“Media haqqında” Qanun layihəsinin ictimai dinləmələri çərçivəsində növbəti müzakirə keçirilib
# 22 dekabr 2021 22:16 (UTC +04:00)

Dekabrın 22-də Medianın İnkişafı Agentliyində Azərbaycan Respublikası Milli Məclisi Sədrinin birinci müavini, Hüquq siyasəti və dövlət quruculuğu komitəsinin sədri
Əli Hüseynli və İnsan hüquqları komitəsinin sədri Zahid Orucun iştirakı ilə “Media haqqında” Qanun layihəsinin növbəti müzakirəsi keçirilib.

Agentlikdən APA-ya verilən məlumata görə, müzakirədə millət vəkili Qüdrət Həsənquliyev, Azərbaycan Jurnalistlər Birliyinin sədri Elçin Şıxlı, Turan İnformasiya Agentliyinin baş direktoru Mehman Əliyev, “Yeni Nəsil” Jurnalistlər Birliyinin sədri Arif Əliyev, APA İnformasiya Agentliyinin təsisçisi Vüsalə Mahirqızı, media hüququ üzrə ekspert Ələsgər Məmmədli, həmçinin bir sıra media subyektlərinin nümayəndələri çıxış ediblər.

Medianın İnkişafı Agentliyinin İcraçı direktoru Əhməd İsmayılov və Milli Televiziya və Radio Şurasının sədri İsmət Səttarov görüşdə səsləndirilən sualları ətraflı cavablandırıb, rəy və təkliflərə münasibətlərini bildiriblər.

Qeyd edək ki, “Media haqqında” Qanun layihəsinin müzakirələri davam etdirilməkdədir.

#
#

ƏMƏLİYYAT İCRA OLUNUR