Uşaqların təsərrüfata cəlb olunması halları ilə tez-tez rastlaşırıq.
APA xəbər verir ki, bunu Elm və Təhsil Nazirliyinin Ümumi və məktəbəqədər təhsilin təşkili və idarə olunması şöbəsinin müdiri Elnur Əliyev 2022-2023-cü tədris ilinin yekunları, növbəti tədris ili üzrə gözləntilər və digər məsələlərlə bağlı media nümayəndələri ilə keçirilən maarifləndirici görüşdə deyib.
O bildirib ki, bəzi valideynlər təsərrüfatdakı işləri üçün uşağı məktəbdən uzaqlaşdırırlar:
"Beləliklə, qısamüddətli məqsədlər üçün uşağın gələcəyi sual altında qoyulur. Bəzi valideynlər deyirlər ki, kifayət qədər təhsil alıb və uşağı məktbə buraxmırlar. Amma ümumilikdə şagirdlərimizin 93 faizdən çoxu təhsildən yayınmır".