“Aztəminatlı ailələr üçün bayramla əlaqədar 100 manat ödəniləcək. İlin əvvəlindən aztəminatlı ailələr üçün ödənişlər 14 faiz, son 3 ildə 88 faiz artıb”.
APA-nın məlumatına görə, bunu əmək və əhalinin sosial müdafiəsi nazirinin müavini Anar Kərimov bildirib.
O bildirib ki, növbəti illərdə də bu istiqamətdə vacib addımlar atılacaq: “Gələn ilin büdcəsi yeni qəbul olunub, sosial yönümlü xərclər 46 faizə çatıb. Sosial artımlar üçün 1,5 milyon manat vəsait nəzərdə tutulub”.