Sumqayıt Regional Vəkil Bürosu yeni layihəyə başlayır

Sumqayıt Regional Vəkil Bürosu yeni layihəyə başlayır 
  • Clock-gray 17:04
  • calendar-gray 18 İyul 2019

Vəkillər Kollegiyası Sumqayıt Regional Vəkil Bürosu Azərbaycan Vəkilliyinin 100 illiyi münasibətilə “Vəkillik kursları” layihəsinin icrasına başlayır. 

APA-nın məlumatına görə, layihə çərçivəsində ilkin olaraq “Cinayət işləri üzrə praktik vərdişlər” və “Mülki işlər üzrə praktik vərdişlər” mövzusunda 4 günlük ödənişsiz təlimlərin keçirilməsi nəzərə tutulub. 

Təlimlər həftənin şənbə və bazar günləri keçiriləcək. 

Cinayət hüququ üzrə təlimin bu il 3-4 avqust, mülki hüquq üzrə isə, 10-11 avqustda keçirilməsi nəzərdə tutulub.

Təlimlər real kazuslar əsasında təşkil olunacaq, iştirakçılar cinayət işi üzrə aparılan istintaq hərəkətlərinin iştirakçısına çevriləcək, praktik yazı vərdişlərinə yiyələnəcəklər.

Mülki işlər üzrə isə, müştərinin qəbulu, sübutların toplanması, işin məhkəməyə hazırlanması, məhkəmə prosesində iştirak və s. praktik vərdişlərə rol oyunları əsasında yiyələnmək mümkün olacaq.

Təlimlərdə gənc vəkillər, vəkilliyə namizədlər və vəkil olmaq istəyən hüquqşünaslar iştirak edə bilərlər. İştirakçılara sertifikatlar veriləcək.

Cinayət işləri üzrə təlimi hüquqşünas Şamil Paşayev, mülki işlər üzrə isə vəkil Anar Qasımlı keçirəcəklər. 
 

apa-logo-mini

Digər xəbərlər

Arxiv

date