59 minə yaxın abituriyent ixtisas seçimi edib

59 minə yaxın abituriyent ixtisas seçimi edib
  • Clock-gray 10:23
  • calendar-gray 18 Sentyabr 2020

Ali təhsil müəssisələrinə tələbə qəbulu müsabiqəsində iştirak etmək üçün ixtisas seçimi sona yaxınlaşır. I-V ixtisas qrupları üzrə 59 minə yaxın elektron ərizə təsdiq olunub.

Dövlət İmtahan Mərkəzindən APA-ya verilən məlumata görə, bu gün saat 10:00-a olan məlumata görə, I ixtisas qrupu üzrə 14627, II ixtisas qrupu üzrə 9862, III ixtisas qrupu üzrə 14554, IV ixtisas qrupları üzrə isə 3604 olmaqla, ümumilikdə 42647 elektron ərizə təsdiq olunub.

V ixtisas qrupu üzrə qabiliyyət imtahanları bu gün yekunlaşır və hələlik 16199 ərizə təsdiq olunub. Qabiliyyət imtahanlarının nəticələri imtahan verilən günün sonunda sistemə daxil edilir və abituriyentlər ixtisas seçimi edə bilirlər.

İxtisas seçimi 20 sentyabr saat 23:59-dək davam edəcək. Müsabiqədə yalnız elektron ərizələrini təsdiq etmiş şəxslər iştirak edə biləcəklər.

Günay Elşadqızı

Digər xəbərlər