Ağdam rayonunun 10 məktəbi koronavirusa görə bağlanıb

Ağdam rayonunun 10 məktəbi koronavirusa görə bağlanıb
  • Clock-gray 10:25
  • calendar-gray 09 Aprel 2021

Ağdam rayonu üzrə 10 təhsil ocağının fəaliyyəti müvəqqəti dayandırılıb. 

APA-nın Qarabağ bürosunun xəbərinə görə, tam orta məktəblərin fəaliyyətinin dayandırılmağına səbəb həmin məktəblərdə müəllim və şagirdlərdən bəzilərinin  COVID-19 testinin pozitiv çıxmağıdır. 

Ağdam rayon Gigiyena və Epidemiologiya Mərkəzinin direktoru Rəhman Məmmədov APA-ya açıqlamasında bildirib ki, rayon ərazisində fəaliyyət göstərən 7 təhsil ocağının - Əfətli, Birinci Yüzbaşılı, Alıbəyli, Mahrızlı, Dörd yol-2, Baharlı-2 və 150 saylı məktəblərdə əyani tədris prosesi müvəqqəti olaraq dayandırılıb. 

Ağdam rayon Təhsil Şöbəsinin müdiri Mətanət Misirxanova isə APA-ya bildirib ki, ümumilikdə bağlanan 10 məktəbdən 7-si rayon ərazisində yerləşir, 3 məktəb isə Bərdə rayonu ərazisində fəaliyyət göstərən 3, 95 və 100 saylı məcburi köçkün məktəbləridir. 

Bundan başqa Əhmədağalı kənd tam orta məktəbində 2 sinif, Qaradağlı tam orta məktəbində 1 sinif, 87 saylı tam orta məktəb 1 və 97 saylı məktəbdə isə 1 sinfin fəaliyyəti dayandırılıb, məktəbin direktorunun COVID-19 testinin nəticəsi pozitiv çıxıb.   

Habil Aslanoğlu

Digər xəbərlər