Ali təhsilin magistratura səviyyəsi üzrə yeni ixtisasların yaranmasının səbəbi açıqlanıb

Ali təhsilin magistratura səviyyəsi üzrə yeni ixtisasların yaranmasının səbəbi açıqlanıb
  • Clock-gray 17:12
  • calendar-gray 01 Aprel 2021

Nazirlər Kabineti Ali təhsilin magistratura səviyyəsi üzrə ixtisasların Təsnifatında dəyişiliklər edilməsinin səbəblərini açıqlayıb.

APA-nın məlumatına görə, izahda bildirilib ki, Azərbaycan Respublikasında demokratik və hüquqi dövlət quruculuğunun geniş vüsət alması, bazar iqtisadiyyatı münasibətlərinin mövcudluğu, cəmiyyətin həyatında irimiqyaslı islahatların həyata keçirilməsi iqtisadiyyat və xidmət sahələrinin, o cümlədən ekologiya, rəqəmsal və elektron ticarətin, optimal idarə etmənin, kompüter elmləri və texnologiyalarının, nəqliyyat və logistika infrastrukturunun inkişaf etdirilməsi, informasiya təhlükəsizliyinin gücləndirilməsi, ağıllı şəhər və kəndlərin layihələndirilməsi və idarə olunması üçün tədbirlərin görülməsini zəruri edir. Bununla əlaqədar, qeyd olunan sahələrin müxtəlif problemlərini tədqiq edə biləcək magistrlərin hazırlığına ciddi ehtiyac yaranıb. 

Qeyd olunanları, ali təhsil və müvafiq istehsalat müəssisələrinin müraciətlərini nəzərə alaraq, Azərbaycan Respublikası Nazirlər Kabinetinin Qərarı ilə təsdiq edilmiş “Ali təhsilin magistratura səviyyəsi üzrə ixtisasların (ixtisaslaşmaların) Təsnifatı”nın Hüquqşünaslıq ixtisasına “Ekologiya hüququ”, Kommersiya ixtisasına “Elektron kommersiya”, Riyaziyyat ixtisasına “Aktuar riyaziyyat”, Kompüter elmləri ixtisasına “Kompüter elmləri və texnologiyaları”, Nəqliyyatda daşımaların və idarəetmənin təşkili mühəndisliyi ixtisasına “Logistika və nəqliyyat”, İnformasiya texnologiyaları və sistemləri mühəndisliyi ixtisasına “Kibertəhlükəsizlik”, Mühəndis sistemlərinin və qurğularının tikintisi mühəndisliyi ixtisasına “Şəhər infrastrukturunda smart texnologiyalar” ixtisaslaşmaları, eləcə də Təsnifata yeni “Şəhərsalma” ixtisası və onun ”Dayanıqlı şəhərsalma və region planlaşdırılması” ixtisaslaşması əlavə edilib.

Firuzə Vahid

Digər xəbərlər