Artezian və subartezian quyuların istismarı ilə bağlı qaydalar hazırlanır

16:47
09 Fevral 2021

“Subartezian, artezian quyularının sifarişi, layihələndirilməsi, qazılması və istismarı ilə bağlı qaydalar hazırlanır”.

APA-nın məlumatına görə, bunu “Ekspert saatı”nda Ekologiya və Təbii Sərvətlər Nazirliyinin Su ehtiyatlarının idarə edilməsi şöbəsinin müdiri Mütəllim Əbdülhəsənov deyib.

O bildirib ki, hər bir fiziki və ya hüquqi şəxs sənədlə tanış olduqdan sonra qanunvericiliyin tələblərinə əməl etməyə borcludur: "Quyuların qazılması icazə əsasında həyata keçirilir. Əgər həmin ərazidə yerüstü sular kifayət qədərdirsə, orada yeraltı suların qazılmasına icazə verilmir. Yalnız həyətyanı sahədə kiçik dərinlikdə qrunt sularının çıxarılmasına icazə verilir. Bu da qanunvericiliklə tənzimlənir”.