Azərbaycanda dövlət qurumlarında işçilərin say həddi bu gündən 30 faizədək azaldılıb

Azərbaycanda dövlət qurumlarında işçilərin say həddi bu gündən 30 faizədək azaldılıb
# 19 oktyabr 2020 00:01 (UTC +04:00)

Azərbaycan Respublikası Nazirlər Kabinetinin müvafiq tapşırığına əsasən, dövlət qurumlarında çalışan işçilərin say həddi bu gündən 30 faizədək azaldılıb, digər əməkdaşlar isə məsafədən iş rejiminə keçirilib.

APA-nın məlumatına görə, bu barədə Nazirlər Kabineti yanında Operativ Qərargah qərar verib.

Özəl sektorda və digər sahələrdə fəaliyyət göstərən qurum və təşkilatlara da eyni qaydanın tətbiq edilməsi tövsiyə olunur.

Qeyd edək ki, son günlər Azərbaycanda yeni növ koronavirus (COVID-19) infeksiyasına yoluxma hallarında kəskin artım müşahidə olunması səbəbindən mövcud sanitar-epidemioloji vəziyyət nəzərə alınaraq, bu gündən ölkədə xüsusi karantin rejimi çərçivəsində bir sıra məhdudiyyətlərin tətbiq olunmasına qərar verilib.

#
#

ƏMƏLİYYAT İCRA OLUNUR