Beynəlxalq Miqrasiya Təşkilatının Azərbaycan nümayəndəliyi 2021-ci ilin birinci rübündə ölkəyə könüllü olaraq qayıdan 122 miqranta reinteqrasiya yardımı göstərib.
Qurumdan APA-ya verilən xəbərə görə, BMqT Könüllü Qayıdışa Yardım və Reinteqrasiya (AVRR) layihələri çərçivəsində könüllü olaraq mənşə ölkəsinə qayıdan Azərbaycan vətəndaşlarına reinteqrasiya yardımını çatdırmağa davam edir. 2021-ci ilin birinci rübündə AVRR layihələri çərçivəsində BMqT-nin Azərbaycan nümayəndəliyi 46 nəfərə nağd və 76 nəfərə qeyri-nağd şəkildə yardım edib. Göstərilən müddətdə 5 şəxsə tibbi yardım, 4 şəxsə müvəqqəti mənzil təminatı, 32 şəxsə kiçik biznesin qurulması, 35 şəxsə maddi yardım (ilkin ehtiyac kateqoriyasına aid olan məişət avadanlığı və mebel əşyaları) edilib.
BMqT-nin Azərbaycandakı nümayəndəliyi hazırda Niderland Krallığı, Almaniya, Belçika, Polşa, Finlandiya, Türkiyə və Latviyadan könüllü qayıtmış şəxslərə müvafiq reinteqrasiya yardımları göstərir. BMqT-nin Azərbaycan nümayəndəliyi tərəfindən təqdim olunan reinteqrasiya yardımının əsas hissəsi könüllü olaraq qayıdan şəxslərə və onların ailələrinə fayda gətirməyi hədəfləyən gəlir mənbəsinin yaradılması ilə bağlı yardımlardır. KQYR layihələri çərçivəsində qayıdanlara əsasən kiçik biznes fəaliyyətinin qurulması, müvəqqəti mənzil təminatı, maddi yardım, tibbi ehtiyacların və təhsil haqqının ödənilməsi üzrə yardım göstərilib. Qayıdan şəxslər BMqT-nin köməyi ilə kiçik təsərrüfat (heyvandarlıq), xidmət sektoru, ticarət və kiçik istehsal sahələrində sahibkarlıq fəaliyyətlərini qurublar.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
