Beş il icra edilməyən inzibati cərimə qüvvədən düşəcək

Beş il icra edilməyən inzibati cərimə qüvvədən düşəcək
  • Clock-gray 17:22
  • calendar-gray 01 Fevral 2021

İnzibati cərimə növündə inzibati tənbeh tətbiq etmə haqqında qərar qanuni qüvvəyə mindiyi gündən 5 il müddətində icra edilmədiyi halda sonrakı vaxtlarda icra edilməyəcək.

APA-nın məlumatına görə, bu, Milli Məclisin bu gün keçirilən iclasında birinci oxunuşda müzakirəyə çıxarılan İnzibati Xətalar Məcəlləsinə təklif edilən dəyişiklikdə əksini tapıb.

Qeyd edək ki, qüvvədə olan qanuna görə, inzibati cərimə istisna olmaqla, digər inzibati tənbeh tətbiq etmə haqqında qərar qanuni qüvvəyə mindiyi gündən sonra bir il müddətində icra edilməyibsə, daha icra edilmirdi.

Qanun layihəsi səsə qoyularaq birinci oxunuşda qəbul edilib.

Firuzə Vahid

Digər xəbərlər