Birinci yarımildə ƏƏSMN tərəfindən 646 min vətəndaş müraciəti cavablandırılıb

Birinci yarımildə ƏƏSMN tərəfindən 646 min vətəndaş müraciəti cavablandırılıb
# 02 avqust 2020 11:06 (UTC +04:00)

Birinci yarımildə Əmək və Əhalinin Sosial Müdafiəsi Nazirliyi tərəfindən 25 mindən çox vətəndaş fərdi qaydada qəbul edilib, 646 min vətəndaş müraciəti cavablandırılıb.

Əmək və Əhalinin Sosial Müdafiəsi Nazirliyindən APA-ya verilən məlumata görə, nazirlik tərəfindən bu ilin 6 ayında (karantin dövründə Operativ Qərargahın tələblərinə uyğun) 25,5 mindən çox vətəndaş fərdi qaydada qəbul edilib.

Onlardan 869-nu nazir, nazir müavinləri, nazirliyin Aparat rəhbəri və digər rəhbər vəzifəli şəxsləri qəbul edib.

Yanvar-iyun aylarında ümumilikdə Nazirlik tərəfindən 646,4 min (o cümlədən 142 Çağrı mərkəzi vasitəsilə 421,7 min, ərizə, onlayn, elektron poçt ilə edilən 155 min, sosial şəbəkələr (facebook, instagram və s.) vasitəsilə 61,2 min, Nazirliyin Aparatı üzrə iş telefonları vasitəsilə 8,5 min) vətəndaş müraciəti cavablandırılıb.

Hər bir müraciətdə əksini tapan məsələlərlə əlaqədar aidiyyəti tədbirlər görülüb, sorğu xarakterli müraciətlərlə əlaqədar vətəndaşlara izahatlar verilib.

#
#

ƏMƏLİYYAT İCRA OLUNUR